Diskusjonsoppgave

Passer for

  • ungdomstrinn 8-10
  • vg1
  • fysikk 1
  • fysikk 2

Kva skjer med energien når vi grillar mat?

7.20 Hva skjer med energien_nn

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk tenk-par-del der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om. 

La elevane snakke saman to og to om kva dei trur skjer med energien når eit bål brenn. Spør: Kvar er energien før de tenner bålet? Kvar kom energien frå? Kvar er energien når elden sloknar? Kvar er energien i starten av ein næringskjede og kvar er han i slutten? Dersom energi ikkje kan oppstå eller forsvinne, kvifor sloknar bålet?

Forklar til elevane: Energi kan ikkje oppstå eller forsvinne. Han blir berre overført frå ein stad til ein annan. Når energi blir overført, får han ting til å skje. Det er mykje energi lagra i veden. Når han brenn, blir energi overført til omgivnadane som varme, lys og litt lyd. Energien har ikkje blitt bruka opp eller blitt borte, men når han blir overført til omgivnadane, blir han meir spreidd og vil vanskelegare kunne gjere arbeid for oss. Energi som er lagra i maten kjem ikkje frå veden, men frå planter som har fanga solenergi i fotosyntesen. Denne energien blir overført til dyr som et planter gjennom ein næringskjede. Å varme mat gjer at han smakar meri og at vi lettare kan fordøye han. 

Be elevane lage ei skisse over energiflyten for å vise kva som skjer når vi grillar ein kylling. 

 

Aktuelle kompetansemål i læreplanen

Læreplan i naturfag

  • Etter 10. årstrinn
    • Fenomener og stoffer
      • gjøre forsøk og enkle beregninger med arbeid, energi og effekt
  • Etter Vg1 - studieforberedende utdanningsprogram
    • Energi for framtiden
      • forklare hva redoksreaksjoner er, gjøre forsøk med forbrenning, galvanisk element og elektrolyse og gjøre greie for resultatene
      • gjøre rede for ulik bruk av biomasse som energikilde
      • gjøre rede for forskjellen mellom energikilder og energibærere og en aktuell energibærer for framtiden
  • Etter Vg1 - yrkesfaglige utdanningsprogram
    • Energi for framtiden
      • gjøre rede for ulik bruk av biomasse som energikilde
  • Etter Vg3 - påbygging til generell studiekompetanse
    • Energi for framtiden
      • forklare hva redoksreaksjoner er, gjøre forsøk med forbrenning, galvanisk element og elektrolyse og gjøre greie for resultatene
      • gjøre rede for forskjellen mellom energikilder og energibærere og en aktuell energibærer for framtiden

Læreplan i fysikk - programfag i studiespesialiserende utdanningsprogram

  • Fysikk 1
    • Klassisk fysikk
      • gjøre rede for energibegrepet og begrepene arbeid og effekt og foreta beregninger og drøfte situasjoner der mekanisk energi er bevart