Kvar bør vi dyrke tomatar?

I mange land, som Noreg, kan frukt og grønsaker bli dyrka ute berre i ein kort sesong om sommaren. For å kunne ha frukt og grønt heile året, må vi dyrke i drivhus eller importere frå andre land. Å varme opp drivhus og frakte mat krev energi. Dersom energien kjem frå fossilt brensel, aukar CO₂-nivået i atmosfæren. Drivhus kan bli varma opp med fornybar energi, men transport er vanskelegare å få til med fornybar energi. Å ete mat som veks i vårt eige klima reduserer energien som krevst for å produsere og transportere han. Dette er komplisert fordi i nokre land er det å produsere mat for eksport viktig for å skape arbeidsplassar. Store firma har kjøpt land frå småbønder i Afrika og Asia, slik at bøndene har mista inntektsgrunnlaget sitt.